САВА осигурување со континуирани мерки за заштита на вработените и клиентите

Сите членки на осигурителната групација САВА (Sava Insurance Group) ги преземаат потребните мерки со кои се заштитуваат вработените, нивните семејства, клиентите и соработниците.

“Имајќи ги во предвид развојот и сериозноста на ситуацијата со коронавирусот, ја известуваме јавноста дека САВА осигурување како општествено одговорна компанија која се грижи за своите вработени и клиенти, дава и ќе даде максимален придонес за спречување на ширењето на заразата со Covid-19. Врз основа на состојбата и препораките на Владата за справување со пандемијата, постојано преземаме мерки на претпазливост и одговорно однесување – првенствено, за заштита на здравјето на своите вработени, нивните семејства, клиентите и соработниците. Покрај тоа, ние сме целосно подготвени за продолжување на дејноста и во вакви, вонредни услови”, велат од компанијата.

Континуирано се вршат сите неопходни мерки на заштита, претпазливост и одговорно однесување, за да овозможиме непречено одвивање на работата:

сите вработени редовно се известуваат и добиваат инструкции за лична заштита и постапување при работа со странки;
во работните простории е извршена дезинфекција;
обезбедени се средства за дезинфекција, маски и ракавици за сите вработени и клиенти и достапни на влез во подружниците;
се апелира до соработниците и клиентите да избегнуваат директен контакт и за сите потреби да користат телефонска или дигитална комуникација;
обезбедени се сите услови за најголемиот дел од вработените да ја вршат својата дејност од дома;
бројот на вработени во деловните простории е редуциран и сведен на неопходниот минимум за нормално одвивање на дејноста.

САВА осигурување продолжува со издавање на полиси, обработка на штетите и подмирување на обврските кон добавувачите, бидејќи сме посветени на своите клиенти тогаш кога е најпотребно.

За полиса за осигурување, клиентите може директно да го побараат својот агент или да ја набават онлајн од нашиот вебшоп на sava.mk.
Штетите може да бидат пријавени онлајн на sava.mk или со јавување во нашиот контакт центар на 0800 80 000 за инструкции.
За сите останати потреби и прашања достапни сме преку нашиот контакт центар на: 0800 80 000, по електронска пошта на [email protected] или преку веб-чет формата на нашата веб страница sava.mk.

Останете дома и безбедни. Никогаш сами!