Компанијата Amazon објави дека и се потребни уште 100.000 вработени во САД за да ги задоволат зголемените онлајн нарачки поради ширењето на коронавирус и да ги задржи луѓето во нивните домови.
Компанијата привремено ќе ја зголеми платата на вработените во магацините, центрите за испорака и центрите за трговија на големо за два долари на час до крајот на април, како и дека привремените вработени во Велика Британија и другите европски земји ќе добијат исто зголемување.
„Видлив е значителен раст на побарувачката, што бара зголемување на бројот на вработени незабележан за овој период од годината“, изјави Дејв Кларк, задолжен за магацини во странство и мрежата за испорака.
Amazon објави дека во текот на викендот, растот на нарачкite го засилилe притисокот врз испораките и се заканува дека ќе се пролонгира испораката на подолго од вообичаените два дена.
Особено, постои голема побарувачка за средства за чистење на куќи и станови, така што мораше да се зголеми и обемот на нивната набавка.
Компанијата со седиште во Сиетл објави дека бара постојани и привремени работници за работа, возачи на возила за достава, магационери и пакувачи.