Германскиот автомобилски гигант одредил висина на годишни бонуси за своите вработени за да ги награди резултатите од работата во 2019 година.
Иако на глобално ниво, автомобилската индустрија доживеа пад во 2019 година, Volkswagen успеа во истиот период да забележи раст на продажбата. Зголемувањето од 2,6 проценти можеби не е импресивно, но е доста задоволително во време кога многу други производители запишаа “минус”.
По сумирањето на деловните резултати, производителот од Волфсбург ги утврдил и бонусите кој ќе им ги исплати на своите работници за 2019 година.
Така, на вработените во најголемата европска автомобилска компанија, покрај редовната заработка, на сметката ќе им бидат исплатени и до 4.950 евра, соопштија од Volkswagen.
