Понеделникот беше најлошиот ден за американските берзи уште од финансиската криза во 2008 година.
Петте највредни технолошки фирми изгубиле 321,6 милијарди долари од вредноста, а на Apple се однесува скоро третина од таа сума.
Акциите на производителот на iPhone паднаа за 7,9 проценти. Microsoft, Facebook и Alpfabet изгубија повеќе од шест проценти, a Amazon 5,3 проценти.
Падот на пазарот е поттикнат од ширењето на коронавирусот и падот на цената на нафтата.
Саудиска Арабија во текот на викедот ги намали официјалните продажни цени на суровата нафта за април, откако ден претходно пропаднаа преговорите на ОПЕК и Русија.
Кога станува збор за големите технолошки компании, инвеститорите се загрижени за падот на економската активност и потрошувачката предизвикана од коронавирусот.
Индустрискиот индекс Dow Jones потона повеќе од 2.000 поени во понеделникот, што е најлош ден од 2008 година.
S&P 500 падна за 7,6 проценти, што е најголем пад од 1 декември 2008 година.
