Малопродажната цена на бензините од ноќеска на полноќ се намали за два денари, а на дизелот и екстра лесното за 1,5 денар, така одлучи Регулаторната комисија за енергетика.
Новата цена на Еуросупер БС-95 изнесува 62 денари за литар, на Еуросупер БС-98 е 64 денари, дизелот се продава по 54,50 денари, додека литар Екстра лесното масло за домаќинство чини 43,50 денари.
За 1,495 денари поевтини и мазутот и еден килограм сега се продава за 28,8 денари за килограм.
Во изминатиот седумдневен период референтните цени на нафтените деривати бележат намалување и тоа кај бензинот во просек за околу 6,30 отсто, кај дизелот намалувањето е во просек за околу 3,24 отсто, кај екстра лесното масло има намалување во просек за околу 3,55 отсто мазутот е намален во просек за околу 4,23 отсто. Во исто време курсот на денарот во однос на доларот во изминатиов седумдневен период е намален за два отсто.
