Бензините од ноќеска на полноќ поскапеа за еден денар по литар, а цената на дизелот се зголеми за половина денар, така одлучи Регулаторната комисија за енергетика (РКЕ).
Со одлуката на РКЕ се изврши зголемување на малопродажните цени на нафтените деривати во прoсек за 1,46 отсто.
Новата малопродажна цена на бензинот ЕУРОСУПЕР БС-95 изнесува 67 денари за литар, а ЕУРОСУПЕР БС-98 сега се продава за 69 денари. Малопродажната цена на ЕУРОДИЗЕЛ (Д-Е V) изнесува 58,5 денари за литар, додека цената на Екстра лесното масло за домаќинство (ЕЛ-1) се зголеми за еден денар по литар и изнесува 47,5 денари.
Со одлуката на РКЕ за 0,425 денари за килограм се зголеми и малопродажната цена на мазутот М-1 НС и чини 33,565 денари.
Како причина за промена на малопрадажните цени на нафтените деривати од РКЕ ги посочуваат за 0,8 отсто повисокиот курс на доларот во однос на денарот во изминатите седум дена и зголемувањето на референтните цени на дизелот и на бензините за 1,41, односно за 2,68 отсто.
