Microsoft ги поедностави своите Word, PowerPoint и Excel апликации на Android со комбинирање во една унифицирана. Ова би можело да биде добар начин да се заштеди време кога работите на повеќе документи одеднаш. За жал, таблетите со Android и Chromebook не се целосно поддржани, додека iOS засега е изоставен.
По неколкумесечно бета тестирање, оваа апликација ќе ви овозможи наместо поединечни апликации за Word, PowerPoint и Excel, да преземете една Office апликација со која ќе можете сите други да ги отворите. Дополнителните функции вклучуваат OneDrive интеграција и скенирање на документи со помош на апликацијата Office Lens.
Microsoft започна со тестирање на почетокот на 2019 година, пред да ја објави официјалната верзија подоцна во текот на таа година. Сепак, треба неколку работи да ги имате на ум. Првата е изгледа дека не функционира толку непречено на таблетите со Android и Chromebook. На други телефони, апликацијата не може да се користи во лендскејп мод. Корисниците на iPhone и iOS таблети сè уште не го добиле ова унифицирано ажурирање, што е иронично со оглед на тоа што iPad е многу способен уред кога станува збор за креирање документи.
