Словенската НЛБ(Нова Љубљанска банка) доставила најдобра понуда за купување на една од најголемите српски банки, Комерцијална банка во висина од 450 милиони евра, пишува српски Новости.
Сега следуваат преговори за склучување на договор за продажба.
Претходно, Министерството за финансии потврдило дека пристигнала понуда.
-На 23 декември, тендерската комисија на Министерството за финансии, заедно со финансискиот советник, изврши преглед со проценка на навремено доставените обврзувачки понуди и доставени придружни документи, со цел да се рангираат обврзувачките понуди во тендерската постапка за продажба на акциите на Комерцијална банка, соопштиле вчера од Министерството за финансии на Србија.
