Американците овој “Black Friday” потрошија 7,4 милијарди американски долари само преку интернет купување.
Наместо да чекаат редици пред трговските центри, Американците сè повеќе се одлучуваат да купуваат од дома.
Според „Adobe Analytics“, ова е рекордно трошење кога станува збор за онлајн шопинг на „Black Friday“, дури за 20 проценти повисоко од лани.
Исто така, тоа е втора најголема потрошувачка во историјата на САД остварена во еден ден на онлајн купување.
Само на минатогодишниот “Сајбер понеделник” американците потрошиле повеќе, 7,9 милијарди американски долари на купување преку интернет.
Adobe Analytics предвидува дека овој “Сајбер понеделник”, ќе го сруши рекордот кога станува збор за купување преку интернет за еден ден, односно дека aмериканците ќе потрошат 9,4 милијарди долари.
