Мобилниот гигант Samsung во првиот квартал на 2020 година планира да префрли петтина од производството на паметни телефони во Кина.
Samsung на овој потег се одлучи, делумно и поради конкурентскиот притисок во класата на достапни паметни телефони, како и оние од средната класа.
Големите кинески производители Huawei, Oppo, Xiaomi и Vivo стануваат популарни и во другите делови на светот надвор од Азија, а купувачите се претежно млади луѓе кои на нов телефон трошат од 200 до 250 долари.
Samsung планира нови прифатливи модели од неговата популарна „А“ линија на паметни телефони, така што некои верзии ќе добијат и премиум карактеристики, како што е системот со повеќе камери.
