Водечката австралиска авиокомпанија Qantas, еден месец по рекордно долгиот лет помеѓу Њујорк и Сиднеј, успешно го заврши пробниот 19-часовен лет од Лондон до Сиднеј.
За лет од 17.750 километри од Лондон до Сиднеј потребни беа 19 часа и 19 минути, објави Qantas на Твитер.
Во авионот беа 52 патници и членови на екипажот, а во моментот на слетувањето авионот имал гориво за уште еден час и 45 минути лет.
Qantas QF 7879 полета од лондонски Heathrow во четвртокот наутро и во петокот напладне слета на аеродромот Kingsford Smith во Сиднеј.
Патувањето долго 17.800 километри е втор најдолг лет од страна на Qantas, како дел од научната студија за намалување на влијанието на промените во временските зони на патниците, како и проучување на можностите за подобрување на здравјето на екипажот.
Qantas за потребите на пробниот лет го редизајнираше новиот Boeing 787-9 Dreamliner како би примил максимална количина на гориво и го ограничи бројот на патници и багаж, што овозможува да се заврши таков долг лет без дополнителни слетувања поради полнење на гориво.
#QF7879 has touched down in #SYD non-stop from #LHR after 19 hrs, 19 min in flight, bringing our new #Qantas100 Dreamliner home on the eve of our 100th year.
— Qantas (@Qantas) November 15, 2019
Qantas започна да лета помеѓу Лондон и Сиднеј во 1947 година, и тогаш беа потребни пет дена за тој пат, во кој беа вклучени шест дополнителни слетувања.
Минатата година ја лансираа линијата Перт – Лондон, единствена директна врска меѓу Австралија – Европа за која е потребно 17 часа лет.
Најдолгиот лет во моментов го држи Singapore Airlines, од Сингапур до Њујорк, кој трае 18,5 часа.
