Цените на ЕУРОСУПЕР 95 и ЕУРОСУПЕР 98 од ноќеска на полноќ се зголемија за половина денар, а дизелот и Екстра лесното масло за домаќинство останаа со непроменети цени.
Со тоа, ЕУРОСУПЕР 95 ќе се продава по цена од 67 денари за литар, а ЕУРОСУПЕР БС-98 по цена од 69 ден/лит.
Според одлуката на Регулаторната комисија, дизелот и понатаму ќе се продава по цена од 62 ден/лит, а малопродажната цена на Екстра лесното масло за домаќинство сега изнесува 50,50 ден/лит.
Цената на мазутот се намали за 0,122 ден/кг и во следните седум дена тој ќе се продава по цена од 32,832 ден/кг.
Зголемувањето на бензините, како што се наведува во одлуката на Регулаторната комисија, се должи на покачувањето на цената на нафтнените деривати на светските пазари во изминатиот седумдневен период.
