Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,903.09 0%    GRNT 951.88 -0.54%    KMB 5,999.03 0.13%    MPT 65,000.00 0.04%    OKTA 3,153.00 0%    RZUS 50.00 0%    SBT 2,600.00 8.29%    STB 1,070.00 1.42%    STIL 77.00 -1.28%    TEL 320.00 0%    TNB 16,350.00 -0.61%    TTK 1,282.00 9.57%    

Top 10 премиум проекти на Лимак!

Време: 10:18

Датум: октомври 14, 2019

Категорија: КОМПАНИИ

Една од најголемите градежни компании во светот Лимак, го гради во Скопје мултифункционалниот комплекс Diamond of Skopje. Слободно можеме да кажеме дека во нашата историја досега не сме имале толку голема и релевантна градежна компанија која инвестира во нашата земја и главен град Скопје. Со приближно 70,000 вработени и дејност во 8 различни сектори, Лимак е вброена меѓу трите најбрзо растечки градежни компании во светот. Како компанија која поставува силно посакувани високи стандарди во овие области, Лимак Холдинг е рангирана на 67-то место меѓу најдобрите 250 градежни компании заедно со градежните магнати од светска класа, според „Engineering News-Record” (ENR).

Специјализирана за сите типови на инфраструктурни и градежни проекти со вредност од повеќе од 10 милијарди долари, вклучувајќи аеродроми, пристаништа, автопати, хидроцентрали, фабрики, индустриски објекти, гасоводи, и угостителски и туристички објекти, инвестирајќи во 8 сектори во 18 држави.

Во продолжение нашата редакција истражуваше и издвои 10 премиум проекти на Лимак.

Аеродромот во Истанбул

Поширок конзорциум на компании, меѓу кои се најде и Лимак, учествуваше во изградбата на најголемиот аеродром во светот, истанбулскиот кој беше отворен од страна на претседателот на Република Турција, Реџеп Тајип Ердоган, на 29 октомври, 2018 година и започна да работи под името “Istanbul Airport”.

Реконструкција на мостот Çanakkale и автопатот Malkara-Çanakkale

Станува збор за реконструкција на мостот Çanakkale од 1915 година, кој ќе биде мост со најголем распон на светот, од 2023 метри помеѓу неговите потпорни зидови, а е предвидено да биде долг 4.608 метри со неговите странични распони. Планирано е мостот да има 6 сообраќајни ленти, со патеки од двете страни на патот кои ќе се користат за одржување и поправка на мостот.

Темелите на двете носечки кули планирано е да се постават на дното на морето на длабочина од приближно 40 метри, а висината на челичните мостови се планира да биде приближно 318 метри а вкупната висина да биде 333 метри.

Мостот Çanakkale треба да биде завршен во 2023 година, на 100 – годишнината на Републиката.

Интернационалниот Аеродром во Кувајт

Проектот за аеродромот во Кувајт е планиран со цел значително да се зголеми аеродромскиот капацитет и да се создаде нов регионален центар. Зградата на Новиот Терминал ќе им понуди на патниците највисоко ниво на удобност на површина од приближно 750.000 м2. Зградата се наоѓа под единечен покрив, со пристаништа кои ги одбиваат сончевите зраци и овозможуваат да влезе дневна светлина внатре. Капацитетот на аеродромот се планира да достигне 25 милиони патници годишно откако ќе биде ставена во функција новата терминална зграда. Аеродромот, кој има за цел да биде прва “LEED GOLD” зграда во светот помеѓу патничките терминали, исто така ќе генерира соларна енергија со комбинирање на термички карактеристики на бетонската конструкција и сончевите енергетски панели инсталирани на голема површина на покривот. Во исто време, тендерот се квалификува како најголем тендер што им е доделен на турските изведувачи во странство како единствен пакет.

Железничката станица во Анкара

Станува збор за ултра модерна железничка станица во Анкара, која вклучува 80 километри долга брза железничка линија, која вклучува 8 тунели во должина од 4.603 метри, 6 вијадукти, 6 мостови со преграден ѕид, 12 надградби и 49 подпатници. Инвестиција која донесе квалитетен транспорт и големи заштеди во време.

Подземна железница во Днипро, Украина

Проект започнат 2016 година, финансиран од Европската инвестициска банка (ЕИБ) и Европската банка за реконструкција и развој, а кој треба да биде завршен во 2021 година. Вклучува дизајн и изградба на подземната линија долга приближно 4 километри и 3 станици за патници.

Лимак Кипар Делукс Хотел

Хотелот Лимак Кипар Делукс се наоѓа во туристичкиот центар Бафра, кој е оддалечен 25 километри од најблиската населба, 65 километри оддалечен од аеродромот Еркан и 40 километри од центарот на градот Фамагуста. Хотелот нуди алтернативни опции за сместување со своите 598 соби и вкупно 1338 кревети, и нуди ексклузивно искуство за одмор со својот ultra all inclusive концепт и уникатна природа. Објектот има 3 базени на отворено и еден затворен базен, аква парк, спа центар, еден отворен и 3 a la carte ресторани.

Браната Јусуфели

Браната Јусуфели ќе биде највисоката брана во Турција и третата највисока брана во светот од типот на брана со двојно искривување од бетонски лак по висина од 275 метри по завршувањето. 1.888 милијарди киловати-час енергија ќе бидат генерирани на годишно ниво во централата, каде планираната инсталирана моќност е 558 MW. Задржувањето на водата во браната Јусуфели кое е околу 2.2 милијарди кубни метри се планира да се спроведе до крајот на 2020 година.

Diamond of Skopje

Мултифункционален проект во срцето на Скопје со вкупна површина од 323 илјади метри квадратни, кој ќе претставува уникатен симбол на градот. Проектот се планира да се заврши во 2021 година.

TANAP-Trans Anatolian Natural Gas Pipeline Lot

Гасовод со кој ќе се овозможи транспорт на гас од Азербејџан преку Каспиското море прво до Турција, а од тука и до цела Европа.

TANAP, во комбинација со Јужно Кавказскиот гасовод (SCP) и Транс – Јадранскиот гасовод (TAP), го формира т.н. јужен коридор на природен гас. Крај на 2019 се планира првиот проток на природен гас од Азербеџан.

Меѓународен аеродром Адем Јашари,Приштина

Меѓународниот аеродром во Приштина, Адем Јашари, беше приватизиран во мај 2010, а го превзеде Лимак Косово меѓународниот аеродром Ј.Ѕ.С. со 20 годишен договор според моделот Build-Operate-Transfer. Проектот кој започна на 4 април 2011 година, беше завршен на 23 октомври 2013 година.

Новата терминална зграда беше дизајнизрана како структура со околу 43.000 м2 внатрешен простор, која ја собира целата високо-технолошка опрема за ефикасно работење под еден покрив и која ја истакнува независноста на Косово преку својот импресивен дизајн.

 

НАЈНОВО ОД КАТЕГОРИЈАТА

  • Банкротираше бренд кој траеше 2 века и облече 40 претседатели

    Банкротираше бренд кој траеше 2 века и облече 40 претседатели

    Brooks Brothers, продававница за машка облека која постои веќе 200 години и која облече 40 американски претседатели, поднесе барање за банкрот. Познат е и како…

  • А1 Македонија продолжува со подароци за своите корисници

    А1 Македонија продолжува со подароци за своите корисници

    Новите активации на Е-сметка можност за освојување на електричен велосипед Електронските услуги и процесот на дигитализација кои станаа наше секојдневие, се поттик повеќе за А1…

  • Коронавирусот го зголемува корпоративниот долг за рекордни 1 трилион долари во 2020-та (ИНФОГРАФИК)

    Коронавирусот го зголемува корпоративниот долг за рекордни 1 трилион долари во 2020-та (ИНФОГРАФИК)

    Компаниите ширум светот оваа година ќе го зголемат својот долг до 1 трилион долари во обид да ги стабилизираат своите финансии среде пандемијата на коронавирус.…

  • Договор вреден 850 милиони долари? Две конкурентски компании преговараат за соработка

    Договор вреден 850 милиони долари? Две конкурентски компании преговараат за соработка

    Јужнокорејскиот конгломерат Samsung Electronics започна преговори со ривалската компанија LG за купување на LCD ТВ екрани. Samsung и LG започнаа преговори среде најавената транзиција кон производство…

  • Маск не се откажува од новата фабрика во Германија – работа за 10.500 работници

    Маск не се откажува од новата фабрика во Германија – работа за 10.500 работници

    Во фабриката на Tesla во Германија, за која се подготвува градилиште во Грунхеиде, ќе бидат вработени 10.500 работници, а ќе се произведуваат со полн капацитет…

  • Купувајте домашно: Вашето омилено Grand кафе се произведува во Македонија!

    Купувајте домашно: Вашето омилено Grand кафе се произведува во Македонија!

    Пиењето на свежо мелено кафе отсекогаш била култна рутина на овие простори. Бесценет момент, без разлика колку е тој брз или краток! Кафето наутро не’…

  • Google инвестира скоро милијарда долари во економското закрепнување на Италија

    Google инвестира скоро милијарда долари во економското закрепнување на Италија

    Google во наредните пет години ќе инвестира повеќе од 900 милиони долари за да и помогне на Италија во економското закрепнување поради кризата предизвикана од…

  • Како поседувањето сопствен дом ќе ви помогне за подобра финансиска стабилност?

    Како поседувањето сопствен дом ќе ви помогне за подобра финансиска стабилност?

    „Речиси 10 години со моето семејство живеевме под кирија. Како е да се биде закупец знаат само оние што тоа го имаат искусено – селење…

  • Макпрогрес Виница со нова инвестиција во производство на житни барови!

    Макпрогрес Виница со нова инвестиција во производство на житни барови!

    Макпрогрес доо Виница со нова инвестиција и проширување на продуктното портфолио со линија за производство на барови. Технологијата е развиена од тимот на технолози на…

  • Сопственикот на Zara поседува недвижнини вредни 15,2 милијарди евра

    Сопственикот на Zara поседува недвижнини вредни 15,2 милијарди евра

    Сопственикот на светскиот ланец на продавници Zara, Амансио Ортега, се посвети на бизнисот со недвижнини, чија вредност е проценета на милијарди евра. Според американското деловно…