Откако Adria Airways во понеделникот прогласи банкрот, како нов авиопревозник кој ќе лета на релација Љубљана-Брисел се појави Brussels Airlines, а според шпекулациите на медиумите на аеродромот Брник ќе се врати и унгарскиот нискобуџетен превозник WizzAir.
Исто така, според извештаите на медиумите, словенечката влада е во преговори со Lufthansa, како и Fraport, оператор на аеродромот во Љубљана Jože Pučnik, за трансфер на некои релации од Adria Airways на група авиокомпании под водство на германскиот гигант.
Подружниците на Lufthansa во целосна сопственост ги вклучуваат Austrian Airlines, Air Dolomiti, Brussels Airlines, Eurowings и Swiss International Air Lines, од кои ниту една од нив не работи во главниот град на Словенија.
Словенечкиот премиер Марјан Шарец, изјави во вторникот дека евентуалното формирање на новата словенечка државна авиокомпанија ќе биде многу ризично со оглед на досегашното искуство.
Најпрометните релации на Adria Airways беа Брисел, Франкфурт, Минхен, Виена и Цирих.
