Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

ALK 11,296.14 -0.04%    GRNT 1,028.08 -2.09%    KMB 6,291.48 -0.03%    MPT 76,437.50 -0.04%    MTUR 5,400.00 0%    OKTA 4,600.00 0%    RMDEN18 98.70 0%    SBT 2,503.33 -1.85%    SPAZP 8,440.00 2.79%    STB 1,178.90 -0.09%    TKVS 5,665.00 0.27%    TNB 16,580.00 -0.12%    TTK 1,520.00 0.66%    UNI 2,360.00 0.09%    ZPKO 1,470.00 0%    

Амбасадорката на САД се вклучи во проектот на Пивара Скопје за доедукација на младите за нивно полесно вработување

Време: 12:04

Датум: септември 19, 2019

Категорија: КОМПАНИИ

Во рамки на својата прва посета на Пивара Скопје, амбасадорката на САД, Кејт Мари Брнз се запозна со процесот и долгата традиција на производство на пиво, а беше и во обиколка на постројката која два пати го доби признанието дека ги произведува најдобрите Coca-Cola пијалаци на светот. На средбата со генералниот директор на Пивара Скопје, Дан Тимотин, амбасадорката се запозна и со тековните активности и вложувања на компанијата кои треба да го обезбедат нејзиниот натамошен одржлив развој, како и со реализацијата на проектите кои придонесуваат за просперитетот на заедницата, како што е програмата за бесплатни обуки за млади „Вештини за успех“, која веќе четврта година ја спроведува Пивара Скопје.

Генералниот директор на Пивара Скопје и амбасадорката на САД го посетија Едукативниот центар на компанијата каде се сретнаа со учесниците на 39-та сесија од обуките од програмата „Вештини за успех“. При тоа, амбасадорка на САД, со учесниците на обуката ги сподели своите лични искуства и совети со што придонесе тие да ги збогатат своите знаења и вештини кои треба да им овозможат полесно да најдат работа или да отпочнат сопствен бизнис, што е главната цел на овие обуки.

„Од почетокот на оваа година до сега 934 млади поминаа низ овие обуки, со што вкупниот број на учесници во оваа програма, што ја започнавме во 2016-та година, надмина 2600. Особено сме горди и нѐ радува што дури 36% од младите кои досега ги поминаа обуките во рамките на оваа наша програма многу брзо го пронајдоа посакуваното работно место. Сметам дека треба да бидеме задоволни од ваквиот резултат, како и од фактот дека секојдневно се зголемува бројот на млади лица кои сакаат да учествуваат во програмата. Сето ова нѝ влева дополнителна енергија, заедно со нашите партнери, да продолжиме да вложуваме во развојот на младите и преку тоа да придонесеме за зголемување на вработувањето и развојот на претприемништвото во земјата“, изјави генералниот директор на Пивара Скопје, Дан Тимотин.

Со обуките што ги спроведува Пивара Скопје, кои се бесплатни за сите учесници, младите добиваат можност да ги усовршат своите комуникациски вештини, да научат како да водат преговори, да креираат развојни планови и да управуваат со проекти, како и ефективно да управуваат со времето и ресурсите, а стекнуваат и знаења од областа на деловното работење, финансиите и продажбата. Обуките ги водат професионални обучувачи, а како ментори, на волонтерска основа, учествуваат и членови на лидерскиот тим и менаџери во Пивара Скопје. Реализацијата на овој проект е поддржана од Министерството за труд и социјална политика и од Агенцијата за вработување, особено во одредување на кандидатите на кои најмногу им се потребни ваков вид обуки, при што предност имаат младите од социјално ранливите категории.

Амбасадорката на САД, Кејт Мари Брнз рече дека е импресионирана од покажаниот интерес на учесниците во обуките за проширување на нивните практични вештини и знаења, како и од посветеноста на вработените и менаџментот на Пивара Скопје за креирањето на оваа корисна програма. Таа истакна дека ова е одличен пример како бизнисот, преку партнерство со јавниот сектор, може да даде вистински придонес во создавањето дополнителни можности и перспективи за младите. Амбасадорката упати пофалби за одличните резултати што се постигнати досега со оваа програма истакнувајќи дека дека таа заслужува поддршка од целата заедница.

За да се овозможи што поголем број млади да ги поминат обуките, Пивара Скопје организираше и обуки во Велес, Куманово, Гостивар, Кочани и Кавадарци, како и на Универзитетот на Југоисточна Европа во Тетово. Посебни сесии беа организирани во општината Шуто Оризари, наменети за младите од ромската заедница, како и за младите во СОС Детско село. Минатата година беше лансирана и дигиталната платформа која на сите заинтересирани млади лица им овозможува да ја поминат целокупната обука по електронски пат.

За досегашните резултати во споведувањето на програмата „Вештини за успех“, Пивара Скопје има добиено повеќе признанија, меѓу кои и специјално признание од Претседателот на државата. Партнер на Пивара Скопје во реализацијата на овој проект е компанијата за деловна едукација „Мотива“.

КОМЕНТАРИ

НАЈНОВО ОД КАТЕГОРИЈАТА

  • Junk Free, Guilt free мисијата продолжува

    Junk Free, Guilt free мисијата продолжува

    Уште од млади години учиме дека овошјето и зеленчукот се здрави за нас. Но, со текот на времето, процесот на стареење, и зголемувањето на дневните…

  • ЕВН наградена за унапредување на човековите права во бизнисот

    ЕВН наградена за унапредување на човековите права во бизнисот

    ЕВН Македонија е една од првите компании добитници на наградата за унапредување на човековите права во бизнисот. Ова престижно признание се доделува за прв пат…

  • Комплексот Лимак Дајмонд ќе има силен придонес во развојот на Скопје и локалната економија!

    Комплексот Лимак Дајмонд ќе има силен придонес во развојот на Скопје и локалната економија!

    Во тек е изградбата на модерната Лимак подземна сообраќајница, како и подготвителните работи за комплексот Limak Diamond. Во истиот реон во завршна фаза е изградбата…

  • TRASH FOR ART 2019: Пакомак го отвори конкурсот „Создавај уметност, а не ѓубре“

    TRASH FOR ART 2019: Пакомак го отвори конкурсот „Создавај уметност, а не ѓубре“

    Уметноста може да се создаде било каде, било како и од било што, доколку оставите креативноста да ги направи првите чекори. Пакомак ве повикува да…

  • Акциите на Coca-Cola денес вредат 450.000 пати повеќе од почетната вредност

    Акциите на Coca-Cola денес вредат 450.000 пати повеќе од почетната вредност

    Coca-Cola овие денови слави 100-ти роденден на акциите на компанијата. Акциите на Coca-Cola за прв пат се појавија на јавна понуда во 1919 година, откако Аса…

  • НЛБ Банка – Банка на годината по десетти пат

    НЛБ Банка – Банка на годината по десетти пат

    НЛБ Банка денеска ја прослави десетата награда „The Banker“ Денеска во хотелот Хилтон, НЛБ Банка ја прослави десетата награда за најдобра Банка на година. Во…

  • „Убер“ потврди повеќе од 3.000 сексуални напади во превезувањата во САД во 2018

    „Убер“ потврди повеќе од 3.000 сексуални напади во превезувањата во САД во 2018

    Компанијата за превоз на патници „Убер“ соопшти дека во САД примила повеќе од 3.000 извештаи за сексуални напади, вклучително и силување, во текот на 2018…

  • Apple го презема бизнисот со модеми на Intel

    Apple го презема бизнисот со модеми на Intel

    Intel официјално ја заврши продажбата на главнината од својот бизнис со модеми на Apple. Овој потег беше најавен во јули, а вредноста на продажбата изнесува…

  • Facebook има проблем од 52 милијарди долари

    Facebook има проблем од 52 милијарди долари

    Имено, иако компанијата има повеќе пари од скоро сите американски компании, официјален Вашингтон толку многу му се „наостри“ на лидерот на социјалната мрежа, што му…

  • Германските власти извршија претрес во канцелариите на Фолксваген

    Германските власти извршија претрес во канцелариите на Фолксваген

    Германските власти извршија претрес во канцелариите на Фолксваген, како дел од истрагата за манипулација со тестови за емисии на издувни гасови кај дизел возила, со…