Вечерва од 19 часот Apple лансира нов iPhone. Очекувано, ќе има три модели, наследници на „буџетскиот“ телефон iPhone XR, iPhone XS како и моделот со супер големина iPhone XS Max. Се верува дека сите ќе носат ознака iPhone 11 но и додаток, во зависност пред се од големината на екранот.
Она што е сигурно е дека Apple ниту еден од овие уреди не го опремил со поддршка за 5G што е прилично разочарувачко особено ако се земе предвид дека оваа мрежа е широко достапна во целиот свет.
Се верува дека поновите модели, секако најсилните од нив, барем ќе имаат билатерално полнење, односно преку телефон ќе можат да се полнат и други уреди, пред се AirPods. Тоа би требало да биде придружено и со посилна батерија.
Новина е и A13 Bionic чипот кој наводно е побрз од било кој досега што го претставила конкуренцијата.
Кај дизајнот промената е највидлива кај преместувањето на камерата кај која ќе биде групирана во облик на квадрат, логото останува, но не и напишано iPhone, на задниот дел од телефонот, што отсекогаш беше случај во последните 11 години.
Би требало да биде укината и опцијата 3D ”touch”, да се додаде ново копче за ”mute”, сите три телефони да имаат OLED екрани, како и дека нивната големина ќе остане идентична со тековните уреди – 5,4, 6,1 и 6,7 инчи.
Секако, треба да почекаме до 19 часот вечерва кога од Купертин ќе пристигнуваат вести за овие телефони.