Тјунинг работилницата „Novitec“ ја претстави програма за оптимизација на „Lamborghini Aventador“ со која може суперавтомобилот да спроведува моќ како „Bugatti Veyron“.
Главните идеи се: оптимизирање на 6,5-литарскиот мотор, замена на вбризгувачите и системот за довод на гориво, репрограмирање на софтверот и олеснување на вкупната тежина за 26 кг. Оптимизација ќе овозможи моќта да се зголеми од 700 до 969 КС, а максималниот вртежен момент од 690 до 912 Nm.
За споредба „Bugatti Veyron“ е опремен со 8-литарски мотор со моќност од 1001 КС.
Помоќниот „Aventador“ ќе забрзува од 0 до 100 км / ч за 2.8 секунди што е за една десетинка побрзо од стандардната верзија. До 200 км / ч ќе забрза за 7.4 секунди и е за речиси секунда помалку отколку класичниот модел.
Основната цена на „Lamborghini Aventador“ е 441.600 долари.
