За половина денар се зголеми малопродажната цена на бензините, а на дизелот и екстра лесното масло за домаќинства останува непроменета.
Според одлуката на Регулаторната комисија за енергетика, новата цена на Еуросупер БС 95 од ноќеска на полноќ изнесува 67 денари за литар, а на Еуросупер БС 98 изнесува 69 денари. Дизелот ќе продолжи да се продава по 61 денари, а екстра лесното масло за домаќинство по 51 денар за литар.
Малопродажната цена на мазутот М-1 НС се намали и изнесува 31,8 денари за килограм.
Референтните цени на нафтените деривати на светскиот пазар во споредба со изминатиот седумдневен период бележат зголемување кај бензинот во просек за околу 1,61 отсто, кај дизелот има намалување во просек за околу 0,07 отсто, кај екстра лесното масло намалување во просек за околу 0,05 отсто и кај мазутот намалувањево просек за околу 3,09 отсто.
Курсот на денарот во однос на доларот во изминатиот седумдневен период изнесуваше 55,43 денари и е за 0,033 отсто понизок од курсот на доларот по кој беа формирани цените со претходната пресметка.
