По многу шпекулации, Huawei конечно го воведе својот оперативен систем за мобилни телефони наречен Harmony OS.
Развиен под името Hong Meng, Harmony OS ќе биде првиот универзален оперативен систем, кој би требало да работи на паметните телефони, таблети, паметни телевизори, часовници и сл. Harmony има т.н. „mikrokernel“ и поддржува Android и HTML5 апликации, како и апликации напишани исклучиво за него.
Huawei ќе го задржи Android како главен оперативен систем за своите уреди, но од следната година полека ќе воведе и Harmony OS, прво на Honor паметните телевизори, а подоцна и на Huawei линија смарт часовници.
