Додека продажбата на Samsung Galaxy Folds постојано се одложува поради технички проблеми, на пазарот веќе постои телефон со флексибилен екран, за кој малку луѓе слушнале.
Во прашање е уред на фирмата Royole, наречен FlexPai. Телефонот се преклопува на средината, логично, и тоа на страната на која се наоѓа екранот, што би можело да биде потенцијално поголема опасност за оштетување.
Исто така, во спецификациите се вели дека телефонот не би требало да се чува на температура помала од -2 Целзиусови степени, што практично значи дека не треба да се изнесува надвор во зима, што е прилично бесмислено.
Покрај тоа, екранот не изгледа премногу квалитетно и има многу нерамнини, што на секој корисник на мобилен телефон ќе му пречи. Во принцип, повеќе делува како преклопен таблет, отколку на мобилен телефон.
Со цена во САД од 1.300 долари, малкумина ќе се одлучат да го купат, единствено ако сакаат да ја имаат оваа работа во колекцијата, како технологија која се уште е во повој.
