Целиот свет ќе биде погоден ако САД и Кина не најдат начин да излезат од трговскиот спор, изјавил рускиот претседател Владимир Путин и додавајќи дека е неопходно да се напушти практиката на политички мотивирани рестрикции.
Путин тоа го изјави на конференција за новинари по состанокот со италијанскиот премиер Џузепе Конте во Рим.
“Целата светска економија ќе биде погодена, глобалната трговија ќе падне за 17 проценти до 2024 година, а светскиот БДП за два проценти. Тоа ќе биде лошо за сите. Мислам дека мораме да направиме напори да постигнеме договори и политики за политички мотивираните ограничувања, санкции и еднострани тарифи”, изјави Путин.
