Google го најави неговиот трет приватен подводен интернет кабел, кој ќе се протега помеѓу Европа и Африка, при што еден крај ќе оди од Португалија. Иако би можело да се очекува кабелот да се поврзе со Мароко, тој ќе се протега долж афричкото крајбрежје до Јужна Африка, со станици во други земји.
Овој дел на Equiano кабелот треба да биде поставен и да почне со работа во 2021 година. Наречен е по писателот и аболиционист Оладах Екиано, кој е роден во Нигерија.
Од Google порачуваат дека во изминатите три години инвестирале 47 милијарди долари за да ја зајакнат нивната технолошка инфраструктура. Equiano е четиринаесеттиот кабел кој има удел во вкупниот капитал, а на Google трет приватен меѓународен кабелски проект. Првиот, Curie, завршен е во април и се наоѓа помеѓу Чиле и Лос Анџелес. Вториот кабел, Dunant, ќе ги поврзе Франција и САД и би требало да биде пуштен во употреба следната година. Таквите кабли се од витално значење за поврзување, бидејќи пренесуваат околу 99 проценти од целокупниот интернет сообраќај на планетата.
Equiano кабелот, кој ќе биде инсталиран од Alcatel Submarine Networks, е малку различен од останатите, најавуваат од Google. “Equiano ќе биде прв подводен кабел кој ќе има оптички пренос на fiber-pair ниво, наместо традиционален пристап на пренос на ниво на волуменски должини”, пишува во постот на блогот. Од Google, исто така, тврдат дека ќе имаат околу ,,20 пати повеќе мрежен капацитет од последниот кабел кој е изграден да служи за тој регион”.
