Кинескиот телекомуникациски гигант Huawei ги купи правата на интелектуална сопственост за систем за препознавање на лица, кој е дизајниран од руската компанија Vocord, изјавил извор запознаен со договорот.
Повикувајќи се на изјавите на изворот запознаен со договорот вреден 50 милиони долари, рускиот весник Vedomesti пишува дека одредени вработени во руската компанија ќе бидат префрлени во Huawei.
Руската подружница на Huawei, заедно со компанијата Huawei дигитална технологија во Хонг Конг, наводно, ќе стане сопственик на правата на интелектуална сопственост на патентот Vocord кога се работи за технологија и опрема за идентификација на лица, пренесува Russia Today.
Новата компанија, наводно ќе се вика ”Igl softlab”, a се очекува руската единица да биде сопственик на 99,99% од таа компанија.
