Одлуката на Google да ги прекине сите врски со Huawei може скапо да го чини на годишно ниво.
Истражувачката компанија Instinet дојде до одредена проценка.
Google за секоја трансакција направена на Google Play Store зема околу 30 проценти, тоа е точката во која Google ќе изгуби најмногу.
Instinet проценува загуба помеѓу 375 и 425 милиони долари.
Најголемиот удар ќе биде во Европа.
Instinet проценува дека во моментов Huawei има 500 милиони корисници ширум светот.
Сепак, 52 отсто од нив се во Кина, каде што Google Play не е на располагање.
Затоа Google ќе осети загуба на пазарите како што се Европа и Азија каде што веќе заработува од купување на апликации.
Google генерираше 7 милијарди долари преку Google Play Store во 2018 година, а делот од Huawei се проценува на 388 милиони долари.
Најголемиот дел од овие приходи доаѓаат во Европа, каде што Google генерира 190 милиони долари преку продажба на апликации на Huawei корисниците.
