„Google“ ја прекинува соработката со кинеската компанија „Huawei“, по мерките на САД против Кина.
Мерката ги опфаќа сите зaеднички дејности во врска со трансферирање хардвер, софтвер и сервисите, но не и софтверот со отворен код што се развива во „Google“ и кој „Huawei“ би можел да го користи, како што е програмата AOSP отворена верзија на Андроид, достапна како слободен софтвер.
Уредите на „Huawei“ веднаш ќе останат без надградби и нови верзии на содржините на „Google“. Новиот смартфон на „Huawei“ нема да има пристап до Google Play Store, Youtube, Gmail, Google Drive и Chrome.
– Ги разгледувамме последиците од овие одлуки. За корисниците на нашите услуги, Google Play и Google Play Protect, тие услуги и натаму ќе функционираат на уредите на „Huawei“, изјави претставник на кинеската компанија, без да открие натамошни подробности.
Овој прекин на соработката може значајно да ѝ наштети на работата на „Huawei“, кој ќе загуби пристап до ажурирањата.
