Трамп оваа недела би требало да потпише налог кој на фирмите во САД ќе им се забранува користење на опрема на компаниите кои претставуваат ризик за националната безбедност.
Како што јавува Reuters, налогот кој го отвора патот за забрана за работењето со кинеската фирма Huawei, се размислува веќе подолго од една година, но неколку пати е одложено, тврдат извори запознаени со ситуацијата кои замолиле да останат анонимни.
Додале дека донесувањето на наредбата може повторно да биде одложена.
Претседателот на САД има намера да се повика на Меѓународниот акт за вонредни економски овластувања (International Emergency Economic Powers Act, IEEPA) кој му дава право да ја регулира трговијата во случај на закана по националната безбедност.
Според извори на Reuters, по наредбата, Министерството за трговија би требало во соработка со другите владини агенции да изработи план за спроведување на одредбите.
Ако претседателот го потпише извршниот налог, одредбата ќе биде спроведена во особено чувствителен момент кога односите меѓу Кина и Соединетите Држави се затегнати поради меѓусебното зголемување на царината.
Официјален Вашингтон верува дека Кина би можела да го шпионира САД со опрема која ја произведува Huawei Technologies, третиот по големина производител на паметни телефони во светот.
Huawei во повеќе наврати ги негирал овие наводи. Покрај тоа, претседателот на Huawei изјавил дека кинеската телекомуникациска компанија сака да потпише договори за нешпионирање со владите.