Енергетската компанија “Шеврон” го купува ривалот “Анадарко петролеум”, како дел од договорот вреден 33 милијарди долари во готовина и акции.
Одлуката за преземање била донесена бидејќи Шеврон се обидува да ја зајакне својата позиција за експлоатација на Пермискиот базен и да ја унапреди својата работа со течен природен гас, пренесува Reuters.
Најновата вест предизвика акциите на компанијата Анадарко да скокнат за 33% во електронското тргување, додека акциите на Шеврон паднаа за 1,5%.
Шеврон, исто така, ќе преземе 15 милијарди долари од долгот на Анадарко. Се очекува дека трансакцијата ќе биде завршена во втората половина на годината.
