Најновиот модел на паметен телефон од Nokia носи ознака X71, има голем LCD FHD+ екран со дијагонала од 6,39 инчи со сооднос 19,3: 9 со “hole-punch” дупче за селфи камера, како и тројна предна камера од 48 мегапиксели, со сертификат Zeiss.
И сето ова доаѓа по цена од само 385 долари (345 евра), колку што чини новиот модел во Тајван, каде што телефонот дебитираше. Не е исклучено дека X71 наскоро може да дојде во западниот дел на светот (под името Nokia 8.1 Plus), според GSM Arena.
Овој телефон по ценовната категорија позициониран e помеѓу моделите Huawei Nova 4 (490 долари) и Xiaomi Redmi Note 7 Pro (203 долари), со што заедничко е дека сите тие имаат камери од 48 мегапиксели.
Nokia X71, смартфон од средна класа кој го движи Snapdragon 660 процесор, доаѓа со 6GB RAM меморија и 128 GB меморија за складирање на податоци, кој може да се прошири со помош на мемориската картичка, пренесува Engadget.
Уредот користи оперативен систем Android Pie, а сето тоа го напојува батерија со капацитет од 3.500 mAh.
Продажбата на новата Nokia ќе започне на 30-ти април.