Кај шпанските власти очигледно е во мода да се „чешлаат“ сметките на најпознатите луѓе во светот на фудбалот, а според тврдењата на некои медиуми, откако беше обвинет најдобриот фудбалер на светот, Лионел Меси под сомневање е и поранешниот тренер на Реал Мадрид, Жозе Мурињо.
Како што тврдат медиумите, португалскиот стратег веќе некое време е под истрага и најверојатно против него ќе биде покрената постапка за затајување на данок во периодот додека го водеше мадридскиот клуб од 2010-та до 2013-та година.
Новопечениот тренер на Челзи за време на неговиот престој на „Сантијаго Бернабеу“ годишно заработуваше помеѓу 10 и 12 милиони евра.
