Бројни корисници од целиот свет вчера, за време на вечерните часови, не успеаа да се логираат на нивните профили на социјалните мрежи Фејсбук и Инстаграм.
Ситуацијата сега е многу подобра, иако не е совршена, бидејќи се уште има повремени грешки при вчитување.
Засега не е целосно објаснето што е причината за проблемот. Сепак, медиумите се сеќаваат дека слични ситуации во минатото покажаа дека големиот колапс на Facebook и Instagram е поврзан со работата на системот пред да пуштат нова голема промена.
Она што е сигурно е дека хакерите не се виновни. Ова беше прифатено и од самиот Фејсбук, кој мораше да се “пресели” на друга социјална мрежа и да се огласи преку Твитер.
Секој пад на Фејсбук се чини дека доведува до паника кај корисниците и поставува прашање од милион долари – дали има живот после Фејсбук?
