Во 1983-та година поранешниот професионален возач и инженер, Фулвио Мариа Балабио го основаше првиот производител на автомобили од Монако, компанијата „Montecarlo Automobile“.
Во склоп на прославата на 30 годишнината од постоењето „Montecarlo Automobile“ го претстави моделот „Rascasse“, кабриолет кој ќе биде направен во само 15 примероци и ќе се продава со почетна цена од 500.000 евра.
Автомобилот го доби името по познатата кружна патека сместена во главниот град на кнежеството, а инаку станува збор за модел кој подеднакво добро работи и на бензин и на плин.
Го придвижува 5.4 литарски мотор на „BMW“, истиот кој се наоѓа во „Rolls Royce Silver Seraph“ од 1998-та година, само што оваа верзија е помоќна и има 500кс.
Во работата на овој автомобил учествувала и италијанската компанија „BRC“ која е специјализирана за изработка и вградување на плински уреди. „Montecarlo Automobile“ има во план и помоќна верзија која би имала хибриден систем, турбо-компресор и погон на сите четири тркала.
Што се однесува до самиот дизајн „Rascesse“ изгледа како комбинација на „Ferrari“ F50 (во предниот дел), „Aventador“ (во задниот дел) и луксузна јахта.
