Американската инвестициска банка „Bank of America“ ќе го отстрани името „Merrill Lynch“ од дел од единиците, бришејќи бренд со долга историја на „Wall Street“, како дел од долгогодишните маркетинг напори, соопшти банката, цитирана од агенциите.
Одделот за инвестициско банкарство и пазарите на капитал се откажуваат од 104-годишното име и ќе се викаат „BofA Securities“, а единиците за управување на благосостојбата ќе го прифатат заедничкото име „Merrill“, без „Lynch“.
„Merrill Lynch Wealth Management“, „Merrill Edge“ и „Merrill Guided Investing“ ќе ги задржат нивните имиња.
„US Pat. Trust“ – приватното банкарство на „Bank of America“, кое се грижи за најбогатите клиенти на банката, ќе се вика „Bank of America Private“, а „Merrill Lynch Private Banking & Investment Group“ ќе стане „Merrill Private Wealth Management“, и тука ќе го нема „Lynch“ во своето име.
Во минатото, ребрендирањето наиде на одреден отпор. Просечната возраст на финансиските консултанти е до крајот на 50-тите години и многумина се чувствуваат исклучително лојални на брендот на компанијата за која работеле со години.
Пред да биде купена во 2009-та година во екот на финансиската криза, „Merrill Lynch“ беше позната по своето силно инвестициско банкарство и вештите финансиски советници. Брендот преживеа во последната деценија за разлика од други познати компании, како „Lehman Brothers“ и „Bear Stearns“, чии имиња си заминаа со нивното купување.
Под новиот чадор, „Merrill“ компанијата ќе започне нова маркетинг кампања, објави банката за „Ројтерс“.
