На позадина на огромниот број премиери на телефони со „5G“ и на преклопување, „Sony“ се насочи кон различна стратегија, нудејќи го првиот во светот паметен телефон со 4K OLED со 21:9 „CinemaWide“ дисплеј. Уредот, кој беше претставен на Светскиот мобилен конгрес во Барселона, се вика „Xperia X1“.
Откако минатата година го видовме „XZ2“ со „OLED“, компанијата сега ги следи истите чекори со својот нов предводник.
Чипсетот на кој се потпира смартфонот е „Snapdragon 855“. Конфигурацијата вклучува 6GB RAM, како и 128 GB меморија за складирање податоци.
Екранот е 6,4 инчен, а заштитниот слој е „Gorila Glass 6“.
„Sony“ дава нов начин на работа со смартфонот преку опцијата за користење на две апликации на 21:9 екранот.
„Xperia 1“ го вклучува првиот „AF Eye“ во светот во паметен телефон со три камери и до 10 слики во секунда при континуирано снимање со следење. На овој начин, уредот нуди многу подобра експозиција и попрецизен фокус.
Специјалниот „Creator Mode“ ви дава можност да го поставите вашиот екран и да му понудите филмска снимка со „Cinema Pro“, со што „Sony“ ги задржува позициите во поглед на можностите за снимање.
Звукот е мултидимензионален „Dolby Atmos“ и е дело на компанијата и „Sony Pictures Entertainment“.
