Најголемата европска банка „HSBC Holdings“ објави фрустрирачки раст на профитот за 2018-та година, откако повисоките трошоци и распродажбата на акциите влијаеле на нејзиниот бизнис. Во исто време доверителот предупреди дека послабите економски изгледи за Кина и Велика Британија ќе создадат дополнителни пречки во оваа година, соопштува „Ројтерс“.
Банката останува во потрага за негативните ризици пред сегашната економска средина, глобалните трговски тензии и идната насока на каматните стапки, изјави главниот извршен директор Џон Флинт, завршувајќи ја првата година на чело на компанијата.
Акциите на „HSBC“ во Хонг Конг поевтинија за 2,7% по објавувањето на веста.
Економското забавување во Кина, како причина од трговската војна со САД, наметнува предизвик пред стратегијата на „HSBC“ да „фрлаат“ уште ресурси во Азија, каде заработува три четвртини од профитот.
Најголемата банка во Европа по пазарна капитализација освен тоа се подготвува за негативните последици од Велика Британија, чија економија порасна со побавно темпо по половина година во трите месеци до крајот на ноември, откако фабриките настрадаа од најтешките глобални трговски услови и пристапот кон „Brexit“.
„HSBC“ објави добивка пред даноците од 19,9 милијарди долари за 2018-та година, што е за 16% повеќе на годишно ниво, но под просечната оценка за 22 милијарди долари, покажуваат податоците на „Refinitiv“ базирани врз прогнозите на 17-те аналитичари.
Банката соопшти дека ќе исплати годишна дивиденда од 51 центи по акција, што се совпаѓа со очекувањата на аналитичарите. Таа е уверена дека ќе ја задржи дивидендата на ова ниво.
Трошоците на банката сепак се зголемија побрзо од приходите, за што беше обвинета негативната пазарна средина во четвртиот квартал. „HSBC“ сепак планира да го поништи овој тренд во 2019-та година.
„И покрај поголемиот предизвик пазарните услови на крајот на годината и послабите економски изгледи, ние сме ангажирани да ги постигнеме целите кои ги објавивме во јуни“, рече Флинт.
Тогаш тој најави дека „HSBC“ ќе инвестира 15-17 милијарди долари во рок од три години во области како технологија и Кина, како и одржување на цените за профитабилноста и дивидендата без промена.
Коефициентот на адекватност на капиталот на основниот капитал на „HSBC“ – клучен показател за финансиската моќ на банките, е намален до 14% на крајот на декември од 14,5% на крајот на 2017-та година, главно поради негативни монетарни движења.
Профитот на банката во Азија се зголемил за 16% до 17,8 милијарди долари, формирајќи 89% од профитот на групата.
Откако ја презеде функцијата од Стјуарт Гуливер во минатиот февруари, Флинт во голема мера ја задржи стратегијата фокусирана на Азија на својот претходник, но во исто време се обидува да ја оживее франшизата во САД и да стави помал акцент на инвестициското банкарство.
