29 март, 2024
ПочетнаКОМПАНИИAlphabet и Salesforce инвестираа во британскиот стартап GoCardless

Alphabet и Salesforce инвестираа во британскиот стартап GoCardless

Британскиот стартап за онлајн плаќања „GoCardless“ доби инвестиција во износ од 75 милиони долари и беше поддржан од американскиот технолошки гигант „Alphabet“ – компанијата мајка на „Google“, како и од „Salesforce“, пишува „CNBC“.

Кругот беше воден од единицата за ризични инвестиции на „Alphabet“ – „GV“, заедно со компанијата за деловно инвестирање „Adams Street Partners“. Некои од постоечките инвеститори „Accel“, „Balderton Capital“, „Notion Capital“ и „Passion Capital“, исто така, се приклучија.

Лондонската „GoCardless“ процесира директни дебитни плаќања во име на компаниите. Ова се повторувачки трансакции, извршени директно од банкарската сметка на клиентот.

„Фокусирајќи се на она што го дефинираме како пазар на повторливи плаќања – претплати, фактурирање, придонеси, а секој од овие пазари е „супер“ оштетен“, коментира Хироки Такеучи, коосновач и извршен директор на „GoCardless“.

„Генерално мислам дека овој тип повторливи плаќања претставуваат околу 18% од вкупниот обем од глобалните плаќања. Значи има многу исплати направени насекаде низ светот“, додава тој.

Меѓу клиентите на компанијата се весниците, како „Guardian“ и „Financial Times“, како и технолошки играчи, како „Box“ и „Sage“. Таа вели дека во моментов обработува исплати за над 40.000 компании и трансакции од околу 10 милијарди долари годишно.

„GoCardless“ беше креирана во 2011-та година од страна на Такеучи и претприемачите Том Блумфилд и Мет Робинсон. Блумфилд се откажа за да ја создаде мобилната банка „Monzo“, додека Робинсон се повлече за да се создаде друга компанија за дигитални услуги – „Nested“.

НАЈНОВИ ВЕСТИ

ХОРОСКОП