Социјалната мрежа на „Reddit“ објави дека собрала 300 милиони долари во својот најнов круг на инвестирање воден од „Tencent Holdings“, со што ја зглеми својата пазарна оценка на 3 милијарди долари, објави „Ројтерс“.
Финансирањето од серијата „D“ вклучува 150 милиони долари од „Tencent“ и од постојните инвеститори, како што се „Sequola“, „Fidelity“, „Tacit“ и „Snoop Dogg“.
Инвестицијата во кинеската компанија брзо предизвика опасност од цензура во „Reddit“, која се нарекува „насловна страница на Интернетот“. „Reddit“ е забранета во Кина поради законите за цензура во земјата.
Благодарение на најновото финансирање, компанијата со седиште во Сан Франциско, Калифорнија, собра повеќе од 250 милиони долари во вкупно три круга. Претходниот беше на 1-ви август и доведе до проценка од околу 1,8 милијарди долари. Компанијата има повеќе од 20 инвеститори, вклучувајќи ја и „Advance Publications“, која е сопственик на „Conde Nast“, поранешната матична компанија на „Reddit“.
„Reddit“ неодамна се соочи со голем одлив во податоците, бидејќи хакерите ги пробија нивните системи и добија пристап до информации, вклучувајќи ги и тековните пораки, како и резервната база од 2007-ма година, која вклучуваше шифрирани лозинки.
„Reddit“ има над 330 милиони активни корисници месечно, со 14 милиони впечатоци месечно, на 12-ти ноември 2017-ма година, според информациите на нејзината веб-страница.
