Бројните лозинки кои ги користиме секојдневно може да ни претставуваат голем проблем, особено ако некои од нив мораат често да се менуваат.
Просечен корисник користи помеѓу 10 и 15 лозинки секој ден, па поради тоа се бараат алтернативни решенија за овој проблем.
Решение за тоа е „MyIdKey“, „USB“ стик кој не само што служи како преносна меморија, туку ги чува и лозинките и ги штити од неовластено користење.
Принципот за употреба е едноставен. Сите лозинки кои ви требаат се запишуваат во програмата на „MyIdKey“ и се внесуваат во „MyIdKey“ – „USB“ стикот.
За пристап до лозинките и документите кои се сочувани на стикот потребен е отисок од прст, а доколку сакате дополнителна заштита можете да вклучите и „чукање“ на одреден такт.
Доколку некој се обиде неовластено да дојде до податоците, сите приватни податоци од „MyIdKey“ се бришат сами.
„MyIdKey“ започна како проект на „Kikstarter“, а во меѓувреме освои бројни награди на меѓународните инфроматички саеми.
Овој уред е достапен да се нарача преку интернет за 139.99 долари.