Третата по големина банка во Франција, „Societe Generale“ ја намали својата цел за профитабилност, откако падот на пазарите го погоди нејзиниот дел за инвестициско и корпоративно банкарство во четвртиот квартал, соопштува „Ројтерс“.
Банката очекува враќање на материјалните средства да биде 9-10% во 2020-та година во споредба со претходната цел од 11,5%. „Societe Generale“, исто така, вели дека нема да ги исполни своите цели за пораст на приходите од 3 отсто.
Банката ги намали прогнозите, откако приходите се намалија за 6,3% во четвртиот квартал до 5,93 милијарди евра, што одговара на очекувањата, објавени од „Infront Data“.
Доверителот, исто така, даде предупредување за неговиот профит пред три недели.
Профитот на единицата за корпоративно и инвестициско банкарство е намален за половина во текот на кварталот како резултат на падот на пазарот во целина.
„Во тешката средина, најмногу кон крајот на минатата година, претставувањето на нашите пазарни активности беа разочарувачки“, изјави главниот извршен директор на „SocGen“ во видео објавено на сајтот на банката.
Големите европски банки, како „Societe Generale“ имаат тешкотии да најдат нови извори на профит по години на рекордно ниски каматни стапки кои ги ограничија кон враќање на банкарство на мало, а корпоративното и инвестициското банкарство е ранливо од флуктуациите на финансискиот пазар.
Конкурентот на „SocGen“, „BNP Paribas“ оваа недела ги намали своите финансиски цели откако ја пријави својата прва загуба на пазарни активности од финансиската криза, по повеќе од една деценија.
По слабите резултати на своите пазарни операции, „Societe Generale“ одлучи да ги намали трошоците за корпоративно и инвестициско банкарство за 500 милиони евра. Банката, исто така, ќе продаде или затвори дел од своите бизниси.
Таа веќе ја затвори својата деловна единица во Хонг Конг.
„Societe Generale“ освен тоа го замени Франк Друе – шефот на пазарните активности, со заменик-генералниот директор на ризик Жан-Франсоа Грегоар.
Главниот извршен директор на „SocGen“ рече уште дека макроекономските перспективи станаа предизвик за банката во последниот квартал поради геополитичката несигурност, економскиот застој во еврозоната и очекуваните пониски каматни стапки.
За да се заштити профитабилноста, банката ќе го засили својот план за продажба на средства. Сега „SocGen“ има за цел да продаде единици кои управуваат со 6 до 7% од вкупната актива, што е за 5% досега.
„SocGen“ ги продаде своите филијали во Бугарија, Белгија, Србија, Молдавија и Јужна Африка во текот на изминатите неколку месеци. Банката сепак има намера да продаде одделенија кои не се критично големи на пазарите и не дозволуваат синергии со остатокот од групата.
