Акциите на „Panasonic“ паднаа близу 6,5% во вторникот, откако производителот на батерии за електрични возила забележа пад на профитот за кварталот и ја намали годишната прогноза, откако нејзинит партнер „Tesla“ ги прошири своите технологии за батерии, пренесува „Ројтерс“.
Јапонската компанија ја намали за 9 отсто својата прогноза за оперативен профит, откако извести за пад од 19 отсто во октомври-декември. „Panasonic“ ја обвинува слабата побарувачка за автомобилски компоненти и фабричка опрема во Кина, каде што економијата го забавува својот раст.
Резултатите од двата показатели беа далеку под очекувањата на аналитичарите.
Во понеделникот, произведителот на електрични автомобили на „Tesla“ објави дека ја купува американската енергетска компанија „Maxwell Technologies“.
„Panasonic“, сепак, е ексклузивен снабдувач на батерии за „Tesla“, кој ја претвори „Tesla“ во најголемиот клиент за батериите на „Panasonic“. Јапонската компанија прави и други видови батерии.
Аналитичарите во Јапонија посочија дека прогнозата на „Panasonic“ е главен извор на загриженост за инвеститорите, така што дополнуваат дека не е јасно како трансакција со „Maxwell“ ќе влијае на „Panasonic“.
„Најновиот извештај откри колку е тешка ситуацијата за „Panasonic““, изјави аналитичарот Масахико Ишино од „Tokai Tokyo Research Center“.
Договорот со „Maxwell“ се случува во момент во кој „Panasonic“ е на пат да го загуби ексклузивниот договор со „Tesla“, чиј извршен директор Илон Маск тврди дека неговата компанија планира да се насочи кон производи, „најверојатно од неколку компании“.
Јапонскиот гигант објави дека очекува добивка од 385 милијарди јени (3,5 милијарди долари) за годината што завршува на 31-ви март, што е за 40 милијарди долари под претходната прогноза и малку над 1% повеќе во однос на една година порано. Нето-профитната прогноза беше задржана за 250 милијарди јени, или 6% повеќе на годишна основа.
Побарувачката на климатизери и друга техника за дома во Кина е значително ослабена на овој клучен пазар, кој донесе околу 12% од приходите на групацијата во минатата фискална година.
За деветте месеци, кои завршија на 31-ви декември, оперативната добивка е намалена за 8 отсто до 292,7 милијарди јени, а нето добивката со 13 отсто до 173,7 милијарди јени.
