Германскиот индустриски гигант „Siemens“ и францускиот „Alstom“ понудија нови отстпки на Европската комисија, но се уште не се сигурни дека ќе добијат нејзината дозвола за спојувањето на нивните железнички активности, пренесе „Франс прес“.
Владите на двете земји го поддржуваат спојувањето, од кое ќе се „роди“ европски гигант во индустријата, но Брисел ја изразува загриженост за конкуренцијата во Европа.
„Alstom“ и „Siemens“ се познати по производството на брзите возови „TGV“ во Франција и „ICE“ во Германија.
Според информирани извори можно е двете групации да ги продолжат роковите на технолошките лиценци за брзите возови и да го зголемат географскиот периметар до некои земји надвор од Европа. Во сферата на сигнализација тие нудат да продадат уште активности.
Европскиот комесар за конкуренција Маргрете Вестагер на неколку наврати ја изрази загриженост за ова спојување, најавена свечено во 2017-та година. Таа стравува дека новото обединување да не ги пресече малите компании или да ги загрози цените поради доминантната положба во железничката сигнализација и кај брзите возови.
Париз и Берлин бараат од Брисел да го одобри спојувањето, истакнувајќи го зајакнувањето на кинеската конкуренција која ги загрозува европските групации.
