Акциите на „Ryanair Holdings“ поевтинија до минимумот од пред 4 години, откако авиокомпанијата ги намали прогнозите за годишната добивка, повикувајќи се на пониските цени на билетите, соопштува „Bloomberg“.
Најголемиот нискотарифен превозник во Европа веќе очекува профитот по даноци да биде во опсег 1-1,1 милијарди евра, без да ја вклучува новата нејзина поделба „Lauda“ за фискалната година до март. За споредба, претходната проценка за позитивен финансиски резултат беше во опсег од 1,1-1,2 милијарди евра.
Профитот на компанијата е погоден од пониските цени на билетите во зима, а најверојатно таа ќе се намали за 7% наместо првично предвидените 2%. Дури и подобрувањето на трошоците и зголемената продажба на дополнителни услуги немаат предност.
Битката на „Ryanair“ со синдикатите, неповолните временски услови и штрајковите на службениците за контрола на летање, исто така, негативно влијаеле врз авиокомпанијата. Растот на патниците значително заостанува зад оној на конкурентот „WizzAir“ што станува се поголема закана за „Ryanair“, особено во регионот на Источна Европа.
Главниот извршен директор Мајкл О’Лери рече дека е разочаран од послабите резултати.
Сепак ова не е првата ревизија на очекувањата за профитот на „Ryanair“ за 2019-та. Во октомври прогнозите беа намалени со 12%, со образложение дека трошоците за работна сила и гориво докажува негативен ефект врз финансискиот резултат.
Акциите на „Ryanair“ паднаа за 5,2%, а за минатата година падот на цените изнесуваше 41%.
