Компанијата „Kia“ го претстави својот најголем модел, кој исто така има „брутален“ дизајн. Тоа е теренецот „Telluride“ кој според димензиите го надминува дури и изградениот на истата платформа „Hyundai Palisade“ претставен пред Нова година.
Всушност двата корејски модели имаат еднакво растојание помеѓу двете оски – 2.900 мм, но „Telluride“ е со 21 мм подолг (5.001) и со 14 мм поширок (1.989). Благодарение на поголемите димензии теренец на „Kia“ може да се пофали и со обемен багажник – 595 литри, наспроти 510 литри кај „Hyundai Palisade“.
Сепак, моторите на двата модели се идентични. Под хаубата на „Telluride“ е поставен атмосферски „V6“ со зафатнина 3,8 литри кој развива моќност од 295 КС. Заедно со 8-брзинскиот автоматски менувач. Пренос е кон предната оска или четирите тркала.
Возачот ќе има на располагање вкупно 6 режими на движење: „Smart“, „Eco“, „Sport“, „Comfort“, „Snow“ и „AWD Lock“. Кај првите два режими се пренесува кон предната оска, а при вклучување на „Comfort“ или „Snow“ таа се распределува во сооднос 80:20 (повторно кон предната оска). Во „спортскиот“ режим распределбата е 65:35 на предните тркала, а во „AWD Lock“ моќта се дели еднакво помеѓу двете оски.
Клиентите на „Kia“ ќе добијат огромна количина на безбедносни и асистенти за возачот. Во листата на електронски помошници влегуваат систем за следење на слепите зони, кружен преглед со видеокамери, систем за контрола на лентата на движење, проекциски дисплеј и адаптивен круз-контрол.
Главната работа што ја поставуваат во корејската компанија е високото ниво на удобност за возачот и патниците. Во кабината е поставен голем 10,25-инчен екран на допир на мултимедијалниот систем кој поддржува „Apple CarPlay“ и „Android Auto“. За моделот се нуди 630 ватен системот „Harman Kardon“ со 10 звучници, 6 USB-порти и безкабелен полнач за паметни телефони.
Моделот ќе се произведува во фабриката на компанијата во САД, а се уште не е официјално објавено дали тој ќе се продава во Европа.
Коментари