28 март, 2024
ПочетнаКОМПАНИИMNG Enterprises планира да ја купи Gannett за 1,36 милијарди долари

MNG Enterprises планира да ја купи Gannett за 1,36 милијарди долари

Американската медиумска компанија „MNG Enterprises“ изјави дека упатила понуда за купување на „Gannett Inc.“, која ги издава весниците „USA Today“, „Detroit Free Press“ и списанието „USA Weekend“ за 1,36 милијарди долари, или 12 долари по акција, во готово, соопштува „Ројтерс“.

„Gannett“ чии акции поскапеа за повеќе од 19 отсто на 11,60 долари за акција се уште не одговориле на писмото испратено од „MNG“ со предлогот за купување.

„MNG“, која поседува 7,5 отсто од акциите во „Gannett“, изјави дека планира да ангажира инвестициска банка, која ќе ги разгледа различните опции, вклучувајќи ги и оние за потенцијална продажба на компанијата.

„MNG“ е поддржан од хеџ фондот „Alden Global Capital LLC“ и ги издава весниците „Denver Post“ и „San Jose Mercury News“.

„Gannett“, пак, е во процес на дигитализирање на содржината, преминувајќи од конвенционалните хартиени весници во дигитални.

НАЈНОВИ ВЕСТИ

ХОРОСКОП