Претседавачот на Христијанско-демократската унија, Анегрет Крамп Каренбауер, денеска изјави дека германските компании кои работат на изградбата на гасоводот “Северен ток 2” не треба да се плашат од заканите од САД за воведување санкции врз нив.
Можните санкции против германските компании ги објави амбасадорот на САД во Берлин, Ричард Гренел, во неделата, а по силната реакција на германските политичари, од амбасадата беше објавено дека “писмото не е наменето да биде закана, туку како јасна порака за политиката на САД во енергетскиот сектор”.
Крамп Каренбауер денеска изјави дека компаниите што го градат “Северен ток 2” дадоа вистински одговор, велејќи дека нема да дозволат да им се закануваат, ниту пак ќе дозволат таква интервенција.
