На интернет страната на компанијата „Honda“ достапни се првите официјални фотографии на новиот модел „Honda Accord Hybrid“ кој ќе биде достапен на американскиот пазар од октомври оваа година. Овој модел го поседува истиот софистициран стил кој постои кај моделот „Accord“ седан.
Меѓутоа овој модел поседува и единствена ознака која укажува дека станува збор за хибриден модел, како и маска на ладилникот украсена со сини детали, „LED“ светла за дневно возење и спојлер на поклопецот од багажникот.
Новиот модел „Accord Hybrid“ ќе го користи и новиот двомоторски хибриден погонски агрегат кој е поголем од моделот „Accord Plug-In“ кој е пуштен во продажба во месец јануари.
Интелегентниот „MultiMode Drive“ погонски агрегат во рамките на моделот „Accord Hybrid“ му овозможува на возилото да користи три различни режими на возење, електричен, хибриден и само бензински.