Еден месец по мистериозната најава, „Infiniti“ во целост го откри електричниот концепт „QX Inspiration“ кој ќе дебитира на саемот за автомобили во Детроит.
Премиум брендот на „Nissan“ ја претстави својата кросовер студија како најава на иднината на брендот и фокусот на електричните возила ориентирани на перформансите.
Новиот концепт е заснован на целосно новата платформа која е исклучиво за електрични возила, како поддршка за плановите за електрификација од 2021-ва.
„Infiniti“ премиерно ќе го претстави концептот „QX Inspiration“ на 14-ти јануари.