Kомпанијата „HTC“ на специјална манифестација која се одржа во Тајван конечно го откри својот нов уред наречен „Butterfly S“.
HTC го претстави Butterfly S
Станува збор за паметен телефон со 5 инчен екран и со резолуција од 1080p „Super LCD 3“, како и „BoomSound“ стерео систем на предните звучници.
„Butterfly S“ работи на оперативниот систем „Android Jelly Bean“, додека процесорот му е „quad core 1.9GHz Snapdragon 600“. Овој паметен телефон има импресивна батерија од 3.200mAh, 2 GB RAM и 16GB простор за складирање на информациите која може да се прошири со вметнување на „microSD“. Тука е и „UltraPixel“ камерата, но за неа нема други податоци.
Телефонот прво ќе се појави на пазарот во Тајван по цена од околу 766 долари, сепак се уште не се знае кога ќе пристигне во Европа и по која цена ќе се продава.