Жозе Мурињо е отпуштен од Манчестер Јунајтед по разочарувачкиот почеток на сезоната.
Црвените Ѓаволи во моментов се наоѓаат на шестото место во Премиер Лигата, но веќе загубија пет пати во 17 натпревари, заостанувајки 19 бода зад лидерот Ливерпул и 11 бодови од четвртиот Челзи во борбата за места во Лигата на Шампионите.
“Манчестер Јунајтед објави дека менаџерот Жозе Мурињо експресно го напуштил клубот “, се вели во соопштението.
Клубот му се заблагодари на Жозе за неговата работа за времето поминато во Манчестер Јунајтед и му посака успех во иднина.
“Новиот менаџер ќе биде назначен на крајот на сезоната, додека сега клубот спроведува темелен процес за ангажман на нов менаџер со полно работно време”, додаваат од клубот.
