Стопанска банка АД Скопје не ја усвои предложената одлука за конверзија на приоритетните акции

Стопанска банка АД Скопје во официјално соопштение на Македонската берза објави дека на 44-та седница на Собранието на акционери кое се одржа вчера 12.12.2018 на кое беше предложена Одлука за укинување на првенствено право на приоритетните акции издадени од Стопанска банка АД – Скопје и конверзија на приоритетните во обични акции, не беше усвоена.

Дел од имателите на приоритетни акции со наведената одлука предлагаа конвeрзија на приоритетните акции во обични акции со право на глас, во сразмер 2:1, односно 1 приоритетна акција за 2 обични акции.

Стопанска банка АД Скопје има издадено приоритетни акции во вкупен број од 227.444 со номинална вредност од 400 денари за акција.