Британската банка „Standard Chartered“ ќе затвора голем број работни места во своето „Одделение за банкарство на мало“ во Обединетите Арапски Емирати (ОАЕ), како дел од планот да привлече повеќе клиенти кон дигиталните услуги, соопшти „Ројтерс“, повикувајќи се на информации од извори кои се запознаени со прашањето.
Банката, исто така, го намалува бројот на своите вработени во другите сектори, како што се корпоративните и јавните поделби.
„„Standard Chartered“ направи значителен напредок во спроведувањето на планот за трансформација, чиј почеток беше лансиран во 2015-та година. Ние ќе одлучиме како да ја развиеме групата која ќе доведе до повисоки резултати на крајот на финансиската година во февруари“, се вели во соопштението на компанијата.
Банката прави промени во бизнисот со банкарство на мало со поттикнување на клиентите да се префрлат на дигиталните услуги што ги развива.
Обединетите Арапски Емирати се пофалија со длабока пенетрација на нови технологии меѓу потрошувачите, во споредба со некои други земји каде што „Standard Chartered“ го развива својот бизнис.
Компанијата, исто така, се фокусираше на премиум банкарски услуги, велат извори.
Банката располага со осум гранки во ОАЕ, а според главниот извршен директор Бил Винтерс компанијата се стреми да развие една поширока стратегија која ќе и овозможи да ги контролира подобро цените и да постигне подобра заработка во среднорочен план.
